Search this site

БАХАИЛЕР ЭМНЕГЕ ИШЕНЕТ Бахаилер адамзаттын биримдигине ишенишет, ар кандай улуттан же динден болбосун, бардык адамдар бир дүйнөлүк үй-бүлөнүн бөлүгү деп эсептешет. Алар руханий жана материалдык өнүгүү ажырагыс байланышта экенине ишенишип, ар бир адамдын руханий жана моралдык сапаттарын өркүндөтүүгө мүмкүнчүлүгү бар деп санашат. Алардын ишениминин негизги фигурасы – Бахаулла, ал бардык диндердин жана адамзаттын биримдиги чыныгы ишенимдин өзөгү экенин жарыялаган. Бахаилер социалдык адилеттүүлүккө, тынчтыкка жана гармонияга умтулушат, коомго кызмат кылуу жана өзүн-өзү өнүктүрүү жоопкерчилиги жакшыраак дүйнө түзүүгө негизги принциптер деп ишенишет. ИШЕНИМДИН ТАРЫХЫ КЫРГЫЗСТАНДАГЫ БАХАИЛЕР БАХАИЛЕР ПРИНЦИПТЕРИ

Бахаи дининин Тырыхы Бахаи дининин Кыргызстандагы тарыхы Бахаи дининин негизги принциптери Бахаи дининин Кыргызстандагы тарыхы Бахаи дининин Кыргызстандагы тарыхы постсоветтик мейкиндикте бул окуунун жайылышы менен тыгыз байланышта. Дүйнөдө Ирандан тышкаркы биринчи уюшкан бахаи жамааты 1880-жылдары Орусия империясынын аймагында, тактап айтканда, Ашхабадда пайда болгон. Ошол жерде 1913–1918-жылдары дүйнөдөгү биринчи бахаи ибадатканасы курулган. Жаңы динге болгон кызыгуу XIX – XX кылымдын башындагы орус чыгыш таануучулары, дипломаттары жана жазуучулары арасында да байкалган. Алардын арасында Лев Николаевич Толстой да болуп, ал Бахаи дини жөнүндө биринчи жолу 1884-жылы уккан. Кийинчерээк ал мындай деп жазган: «Дүйнө чыгуу жолун издеп жатат, бирок жер жүзүндөгү бардык көйгөйлөрдүн чечүүчү ачкычы перс туткуну — Бахаулланын колунда.» Кыргызстанда Бахаи дини Совет Биримдиги тарагандан кийин тарай баштаган. Кыргызстандагы бахаи жамааты Кыргыз Республикасынын Юстиция министрлигинен 1992-жылы расмий каттоодон өткөн. Чыңгыз Айтматов да Бахаи динине кызыгуусун билдирип: «Адамзаттын максаты – биримдик.» деген оюн айткан. Бул тууралуу «Бир бахаи менен жолугушуу» аттуу китепте да баяндалган, анда Айтматов менен бахаи өкүлү Фейзолла Намдардын маеги сүрөттөлгөн. Бахаи дининин аймактагы алгачкы өнүгүү этабы Кыргызстандагы Бахаи дининин тарыхы XIX кылымдын аягы – XX кылымдын башына барып такалат. Борбор Азиянын азыркы мамлекеттери ошол учурда Чыгыш Түркстан аймагына кирип турган. 1882-жылы Персиядан келген биринчи көчмөндөр диний куугунтуктан качып, ушул аймакка жайгашкан. 1913-жылга карата Ашхабадда, Анжиянда, Ташкентте, Самаркандда жана Түркестандын башка шаарларында бахаи жамааттары болгон. Ошол мезгилде Ашхабад бахаи илимий борборуна айланган. Ал жерде «Хуршид-и-Хавр» («Чыгыштын Күнү») журналы чыгарылып, Ташкентте «Ать-Ислох» («Өзгөрүү») гезити басылып турган. 1918-жылы Ашхабадда дүйнөдөгү биринчи Бахаи ибадатканасы курулган. 1917-жылдагы Октябрь революциясынан кийин Түркестан автономдуу Орто Азия республикаларына бөлүнгөн. 1938–1939 жана 1945–1953-жылдары бахаийлер массалык сүргүнгө дуушар болушкан. Азербайжан, Түркмөнстан жана Өзбекстандан көптөгөн үй-бүлөлөр Петропавловск, Иртышск, Павлодар, Чилик жана Казакстандын башка шаарларына айдалып кеткен. Репрессия жылдарында динди сактап калуу Совет бийлигинин катуу чектөөлөрүнө карабастан, бахаи жамааттары диний салттарын сактап калышкан. Алар бирге жыйналып дуба окушуп, майрамдарын белгилешип, балдарын өздөрүнүн ишенимдерине ылайык тарбиялашкан. Диний ишенимин ачык тутуу мүмкүнчүлүгү жок болгондуктан, бахаи өкүлдөрү эмгекти ибадаттын бир түрү катары кабыл алышып, өлкө өнүгүүсүнө өз салымдарын кошушкан. 1954-жылы сүргүнгө айдалган бахаийлерге Борбор Азия менен Кавказга кайтып келүүгө уруксат берилген. Кыргызстанда Бахаи дининин кайра жанданышы (Совет Биримдиги тарагандан кийин) 1990-жылдын августунда «Дин эркиндиги жөнүндө» мыйзам кабыл алынгандан кийин СССР республикаларында бахаи жамаатынын административдик системасы кайра жандана баштаган. Кийинки жылдары Бахаи идеялары басма сөз, радио жана телекөрсөтүүлөр аркылуу тарай баштаган. Бул Кыргызстандагы ар кайсы аймактагы адамдарга Бахаулланын окуусу менен таанышууга мүмкүнчүлүк берди. Облустук борборлордо бахаи жамааттары түзүлүп, жергиликтүү Руханий Кеңештер (Местные Духовные Собрания) пайда болгон. Бишкек шаарында да ушундай жамаат уюштурулган. 1992-жылы Кыргызстанда Бахаи Улуттук Руханий Кеңешинин шайлоосу өткөрүлгөн жана ошол эле жылы ал мамлекеттик каттоодон өткөн. Бүгүнкү күндө Кыргызстанда үч расмий катталган бахаи диний уюму бар. Бахаи жамаатынын Кыргызстанга кошкон салымы Расмий таанылгандан бери бахаийлер өлкөнүн коомдук турмушуна активдүү катышып, анын гүлдөп-өнүгүүсүнө салым кошуп келишет. Алар руханий, социалдык жана тарбиялык багыттагы долбоорлорду ишке ашырышат. Совет мезгилиндеги мурунку бахаийлердей эле, азыркы жамаат мүчөлөрү да коңшулары менен чогуу эмгектенүү аркылуу Кыргызстандын өнүгүүсүнө өз үлүшүн кошуп келишет. «Коомдун гүлдөп-өсүшү үчүн жасалган эмгек — бул кызмат кылуунун бир түрү.» Бахаилер адал эмгек, жакындарына жардам берүү жана биримдикке умтулуу менен дүйнөнү жакшыраак кылууга салым кошо алабыз деп ишенишет.

Дуба окуу жыйындары Социалдык иштер Жаңылыктар Коомдук жашоого катышуу | Бахаилер эмне менен алектенет Бахаилер коомдун ар кыл катмарындагы адамдардын социалдык жана материалдык өнүгүүсүнө көмөктөшүүгө багытталган иш-чараларга активдүү катышат. Бул аракеттер коомго кызмат кылуу жана терең социалдык өзгөрүүлөргө салым кошуу ниетинен улам дем-күч алып, башкалардын диний ишенимине же келип чыккан тегине карабастан, жалпы адамзаттын жыргалчылыгына багытталган. Ошол эле учурда бахаилер өзгөрүүлөр адамдардын өздөрүнүн өнүгүүсүнө болгон жоопкерчилигин аңдап-түшүнүүсүнө негизделиши керек деп эсептешет. Коомдук өзгөрүүлөр – бул бир топ экинчи бир топ үчүн ишке ашыра турган долбоор эмес; анын негизги максаты – жеке адамдар менен жамааттардын мүмкүнчүлүктөрүн ачып, аларды жакшыраак дүйнө куруу процессине активдүү катышууга шыктандыруу. Бахаилердин коомдук өнүгүү тармагындагы көптөгөн демилгелеринин масштабы чакан, аларды ишке ашырууда жергиликтүү жамааттардын ресурстарына таянат. Бул аракеттер, адатта, чакан топтор тарабынан жүргүзүлүп, коллективдик аң-сезимдин өсүшүнөн улам пайда болот. Алар билим берүү, айлана-чөйрөнү коргоо же санитария тармактарында иш-чараларды камтышы мүмкүн. Айрым учурларда, мындай демилгелер жөнөкөй башталыштардан тартып, жергиликтүү элдин активдүү катышуусу жана колдоосу менен туруктуу долбоорлорго айланып кетет. Бахаилердин билим берүү программалары бардык жаш курактагы адамдарды камтыйт. Балдар үчүн алардын руханий жана адеп-ахлактык сапаттарын өнүктүрүүгө багытталган курстар иштелип чыккан, ал эми чоңдор үчүн программалар жеке өсүшкө жана коом алдындагы жоопкерчиликке басым жасайт. Бул сабактар, адатта, жумасына бир жолу өткөрүлүп, руханий жана интеллектуалдык өнүгүүнү айкалыштыруу принциптерине негизделет. Бахаулла мындай дейт: «Жашап жаткан дооруңардын муктаждыктарына болгон жан-дилиңер менен көңүл буруп, негизги талкууларыңардын темасы ошол муктаждыктар жана суроо-талаптар болсун». Бул идея дүйнө жүзүндөгү бахаилерди кызмат кылуу, кызматташуу жана практикалык демилгелер аркылуу өз жамааттарынын жашоо-шартын жакшыртууга умтулууга шыктандырат».

Связаться Имя* Фамилия* Электронная почта* Город/регион Вас интересуют какие-либо из перечисленных ниже мероприятий по развитию общества? Подростковые группы Молитвенные встречи Учебные кружки для молодежи и взрослых Детские классы Сообщение* Отправить

Артка Алга Конфессиялар аралык кеңештин ДИМК жыйыны 30-январда Кыргызстандын Бахаи коомчулугунун өкүлдөрү Кыргыз Республикасынын Дин иштери боюнча мамлекеттик комиссиясынын алдындагы Конфессиялар аралык кеңештин жыйынына катышты. Жыйынга ДИМКнын директорунун орун басары Канат Мидин уулу, ошондой эле өлкөнүн ар түрдүү диний уюмдарынын өкүлдөрү катышты. Катышуучулар Конфессиялар аралык кеңештин Жобосун жана 2025-жылга карата Иш-чаралар планын талкуулашты. Алар конфессиялар аралык диалогду бекемдөө, диний сабырдуулук принциптерин илгерилетүү жана кеңештин мүчөлөрүнүн ортосундагы кызматташтык маселелерине өзгөчө көңүл бурушту. Кыргызстандын Бахаи коомчулугу ар кандай диний ишенимдеги адамдар урмат-сый, биримдик жана жалпы гүлдөп-өнүгүүгө умтулуу негизинде өз ара аракеттенген жигердүү коомду өнүктүрүүгө багытталган демилгелерди колдойт. Биз диндер аралык диалогду чыңдоого өз салымыбызды кошконубузга кубанычтабыз жана бул ишти улантабыз

БАХАИЛЕР ЭМНЕ КЫЛЫШАТ Бахаилер коомдук жашоого активдүү катышып, дүйнөнү жакшыртууга багытталган социалдык ишмердүүлүк менен алектенет. Алар бардык курактагы адамдар үчүн билим берүү программаларын уюштурушат, руханий жана интеллектуалдык жөндөмдөрдү өнүктүрүүгө жардам беришет, ошондой эле өз коомдорундагы актуалдуу маселелерди чечүүгө аракет кылышат. Бахаи кызмат өтөөнүн маанилүүлүгүнө ишенишет жана ар бир катышуучу коомго пайдалуу боло турган көндүмдөрдү үйрөнүүгө умтулат. Алар экологияны коргоо, санитардык шарттарды жакшыртуу жана башка маанилүү социалдык демилгелерди жүзөгө ашыруу боюнча долбоорлорду демилгелешет. Бул аракеттер кызматташуу жана өз ара жардамдашуу духунда жүргүзүлүп, адамдар менен коомдордун потенциалын ачууга жана туруктуу өзгөрүүлөрдү жаратууга багытталган. БАЛДАР КЛАССТАР ПОДРОСТКОВЫЕ ГРУППЫ Программа нравственно-духовного образования для детей, разработанная общиной бахаи, основывается на глубоких ценностях и подходах, направленных на развитие личности и духовных качеств ребенка... МОЛОДЁЖЬ Молодежь, вдохновленная учением Бахауллы, осознает, что её энергия может быть направлена на преобразование общества. Юные люди стремятся внести свой вклад в улучшение мира, независимо от социального положения. МОЛИТВЕННЫЕ ВСТРЕЧИ Для бахаи естественной практикой является совместное чтение молитв с соседями и СОЦИАЛЬНЫЕ ДЕЙСТВИЯ Бахаи активно участвуют в социальной деятельности, направленной на содействие социальному и материальному прогрессу людей из всех слоев общества, независимо от их убеждений и происхождения. УЧАСТИЕ В ДИСКУРСАХ

Артка Алга 2025-жылдын 3-апрели, БИШКЕК — Кыргызстандагы Бахай коомчулугу Бишкек шаарындагы Ататүрк паркынын аймагында бак-дарактын көчөттөрүн отургузуу иш-чарасына катышты. Бул иш-чара Кыргыз Республикасынын Дин иштери боюнча мамлекеттик комиссиясы тарабынан уюштурулган Кыргызстандагы диний конфессиялар аралык кеңештин иш-чаралар планын жүзөгө ашыруу алкагында, ОБСЕнин Бишкек программалык кеңсеси жана экологиялык Move Green уюму колдоосу менен өткөрүлдү. Иш-чаранын негизги максаты айлана-чөйрөнү жашылдандыруу менен бирге диний конфессиялар аралык диалогду чыңдоо жана коомчулуктун дин тууралуу маалымдуулугун жогорулатуу болду. Мамлекеттик органдардын жана ар түрдүү диний конфессиялардын 100дөн ашуун өкүлү иш-чарага катышып, Ататүрк паркынын аймагына 60тан ашуун көчөттөрдү отургузушту. Кыргызстандагы Диний Конфессиялар Аралык Кеңеш 2018-жылы түзүлгөн. Азыркы учурда ал 17 диндик уюмдардын өкүлдөрүн бириктирет. Кеңеш жыл сайын конфессиялар аралык диалогду өнүктүрүү, диндерге урмат-сый көрсөтүү, толеранттуулук жана чыдамкайлык принциптерин жайылтуу максатында ондогон иш-чараларды өткөрөт. Диний Конфессиялар Аралык Кеңеш — бул диалог үчүн аянтча, ошондой эле коомдо өз ара түшүнүшүүнү бекемдөө багытындагы идеяларды биргелешип ишке ашыра турган мейкиндик. Бүгүнкү сыяктуу демилгелер бизге табиятты коргоо менен катар, коомчулуктар ортосундагы байланыштарды чыңдоого, ишеним жана кызматташтык атмосферасын түзүүгө жардам берет.

bahai.org Дүйнөлүк бахаи жамаатынын расмий сайты БУУдагы Бахаи Эл Аралык Жамаатынын Кеңсеси Бахаулланын жашоосу Бахаи эл аралык жаңылыктар кызматынын сайты Кыргыз Республикасынын Дин Иштери Боюнча мамлекеттик комиссиясы bic.org bahaullah.org news.bahai.org www.religion.gov.kg Дүйнөлүк бахаи жамаатынын расмий сайты БУУдагы Бахаи Эл Аралык Жамаатынын Кеңсеси Бахаулланын жашоосу Бахаи эл аралык жаңылыктар кызматынын сайты Кыргыз Республикасынын Дин Иштери Боюнча мамлекеттик комиссиясы Дүйнөлүк бахаи жамаатынын расмий сайты БУУдагы Бахаи Эл Аралык Жамаатынын Кеңсеси Бахаулланын жашоосу Бахаи эл аралык жаңылыктар кызматынын сайты Кыргыз Республикасынын Дин Иштери Боюнча мамлекеттик комиссиясы Дүйнөлүк бахаи жамаатынын расмий сайты БУУдагы Бахаи Эл Аралык Жамаатынын Кеңсеси Бахаулланын жашоосу Бахаи эл аралык жаңылыктар кызматынын сайты Кыргыз Республикасынын Дин Иштери Боюнча мамлекеттик комиссиясы Дүйнөлүк бахаи жамаатынын расмий сайты БУУдагы Бахаи Эл Аралык Жамаатынын Кеңсеси Бахаулланын жашоосу Бахаи эл аралык жаңылыктар кызматынын сайты Кыргыз Республикасынын Дин Иштери Боюнча мамлекеттик комиссиясы

Балдар классы ӨСПҮРҮМДӨР ТОПТОР Жаштар Өспүрүмдөрдүн руханий дараметин ачуу программасы Өспүрүмдөр үчүн бул программа – бул бүткүл дүйнө жүзүндө жүрүп жаткан кыймыл. Ал 12ден 15 жашка чейинки жаштарды ата-энелери жана коомдун башка мүчөлөрү менен биргеликте иш алып барып, өз аймактарынын жана жалпы дүйнөнүн жыргалчылыгына салым кошууга шыктандырат. Өспүрүм курак – бала кезден чоңойууга өтүүнүн маанилүү баскычы. Бул кыска, бирок маңыздуу мезгилде өспүрүмдөр физикалык, эмоционалдык жана интеллектуалдык жактан тез өзгөрүүлөргө дуушар болушат. Бул мезгил зор мүмкүнчүлүктөргө бай, ошондуктан программа жаш муундун таланттарын жана руханий күчтөрүн толук ачууга көмөктөшүүгө багытталган. Ар бир өспүрүмдөр тобун “алып баруучулар” (вожатый) жетектейт – бул өспүрүмдөрдөн бир аз улуу, ошол эле куракты башынан өткөргөн жаш адам. Алар өспүрүмдөргө жакын дос катары болуп, алардын руханий сапаттарын, интеллектуалдык жөндөмдөрүн жана коомго кызмат кылуу көндүмдөрүн өнүктүрүүгө көмөк көрсөтүшөт. Сабактар кандай өтөт? Өспүрүмдөр жана алып баруучулар жумасына бир жолу достук маанайда жолугушуп, атайын иштелип чыккан тексттерди окуп, маанилүү адеп-ахлактык түшүнүктөрдү изилдешет. Катышуучулар угуу, ой жүгүртүү, талдоо, чечим кабыл алуу жана ага ылайык аракеттенүү жөндөмдөрүн өнүктүрүшөт. Программа өспүрүмдөрдү адеп-ахлактык түшүнүктөрдөн баштап, математика жана илим сыяктуу темаларга чейин кеңири маселелер жөнүндө ой жүгүртүүгө шыктандырат. Бул алардын окуудагы ийгиликтерине да оң таасирин тийгизет. Жакшы иштерди жасоо долбоорлору Программанын негизги бөлүктөрүнүн бири – жакшы иштерди жасоо долбоорлору. Бул долбоорлордун алкагында өспүрүмдөр алып баруучулар менен бирге өз чөйрөсүн жакшыртууга аракет кылышат. Мисалы: • короонун тазалыгына кам көрүү; • көчө дубалдарына сүрөт тартуу (муралдар); • биримдик фестивалдарын уюштуруу. 15 жаштан өткөн жаштар дагы бул программага катышып, балдар жана өспүрүмдөр үчүн сабактарды өткөрүү боюнча курстардан өтүшөт. Бул жараян муундардын байланышын бекемдейт: өспүрүмдөр тобун бүтүргөндөр кичүүлөргө сабак өтө башташат. Чыныгы мисалдар 2020-жылы пандемия маалында Токмок шаарындагы өспүрүмдөр алып баруучулар менен бирге өз аймагында 40 үй-бүлө азык-түлүксүз калганын байкашкан. Алар дүкөндөргө атайын кутуларды орнотуп, элди кайрымдуулук кылууга чакырып, азык-түлүк чогултуу долбоорун уюштурушкан. Мындайча айтканда, өспүрүмдөр өз районундагы маселелерди көрүп, аларды чечүүнүн жолдорун талкуулап, чоңдор менен кызматташууга үйрөнүшөт. Бул программа өспүрүмдөрдүн руханий жана интеллектуалдык сапаттарын өнүктүрүп гана тим болбостон, коомдун жыргалчылыгы үчүн жоопкерчиликти сезүү сезимин да калыптандырат.

БАХАИЛЕР ЭМНЕГЕ ИШЕНЕТ Бахаилер адамзаттын биримдигине ишенишет, ар кандай улуттан же динден болбосун, бардык адамдар бир дүйнөлүк үй-бүлөнүн бөлүгү деп эсептешет. Алар руханий жана материалдык өнүгүү ажырагыс байланышта экенине ишенишип, ар бир адамдын руханий жана моралдык сапаттарын өркүндөтүүгө мүмкүнчүлүгү бар деп санашат. Алардын ишениминин негизги фигурасы – Бахаулла, ал бардык диндердин жана адамзаттын биримдиги чыныгы ишенимдин өзөгү экенин жарыялаган. Бахаилер социалдык адилеттүүлүккө, тынчтыкка жана гармонияга умтулушат, коомго кызмат кылуу жана өзүн-өзү өнүктүрүү жоопкерчилиги жакшыраак дүйнө түзүүгө негизги принциптер деп ишенишет. ИШЕНИМДИН ТАРЫХЫ КЫРГЫЗСТАНДАГЫ БАХАИЛЕР БАХАИЛЕР ПРИНЦИПТЕРИ

Официальный Cайт Национальной Общины Бахаи Кыргызстана. БАХАИЛЕР ЭМНЕГЕ ИШЕНЕТ БАХАИ ЭМНЕ КЫЛЫШАТ Тарых бою Кудай адамзатка Кудайдын Көрүнүштөрү же Жарчылары деп аталган бир катар ыйык Устаттарды жиберген, алардын окуулары цивилизациянын өнүгүшүнүн негизи болуп келген. Бул Ыйык Жандар Ибрахим, Кришна, Зороастр, Муса, Будда, Иса жана Мухаммед болгон. Бахаулла, бул Жарчылардын соңкусу, дүйнөдөгү бардык диндер бир Булактан келип чыгаарын жана негизинен Кудайдан келген бирдиктүү диндин ырааттуу бөлүмдөрүн түзөөрүн түшүндүргөн. Бахаилер адамзаттын алдында турган негизги милдет – келечек коомдун бириктирүүчү көрүмүн, ошондой эле жашоонун табияты менен маанисин издөө деп ишенишет. Мындай көз караш Бахаулланын жазууларында ачылган. Адамзаттын бакубаттуулугу, анын тынчтыгы жана коопсуздугу жеткиликтүү эмес, кыйынчылыксыз орнотула албайт, эгер анын биримдиги бекем орнотулбаса. - Бахаулла ЖАҢЫЛЫКТАР КЫРГЫЗСТАНДАГЫ БАХАИ ЖАҢЫЛЫКТАР ЭЛ АРАЛЫК ЖАҢЫЛЫКТАР МЕДИА Play Video Play Video Play Video Play Video Play Video Play Video Play Video Play Video Play Video Play Video Play Video Play Video Play Video Play Video Play Video Play Video

Бахаи дининин Тырыхы Бахаи дининин Тырыхы Дин Сүйүү менен Достукту Жайылтууга Кызмат Кылышы Керек «Дин адамдардын жүрөгүн бириктирип, жер жүзүндөгү согуштар менен касташууларды жок кылып, руханий өнүгүүгө шарт түзүп, ар бир жанга жарык жана өмүр тартуулашы керек». — Абдул-Баха Чыныгы дин — бул сүйүү менен достуктун булагы. Дин адамдардын жүрөгүн бириктирип, согуштар менен касташууларды жок кылып, руханий өнүгүүгө жол ачып, ар бир жанга жарык жана өмүр тартуулашы зарыл. Эгерде дин адамдар арасындагы жек көрүү, кастык же пикир келишпестиктерге себеп болуп калса, анда андай диндин болбогону жакшы. Андай динден баш тартуу — чыныгы динге жараша иш болор эле. Себеби дарынын максаты айыктыруу болсо, бирок ал ооруну күчөткөн таасир берсе — анда аны колдонбош керек. Сүйүү менен ынтымакка жетелебеген эч бир дин — чыныгы дин эмес. Бардык Ыйык Пайгамбарларды руханий дарыгерлер деп атоого болот — алар адамзатты айыктыруу үчүн руханий дары-дармек жазып кетишкен. Ошондуктан айыктыруунун ордуна ооруну күчөткөн эч бир дары Улуу жана Даңктуу Дарыгерден болушу мүмкүн эмес. «Бул Улуу Күнү Кудайга болгон Ишенимдин жана Анын Дининин маңызы — ар түрдүү элдер менен ишенимдер арасында душмандыкты пайда кылбоо... Диний фанатизм жана жек көрүү — бул дүйнөнү жалмап жаткан от, анын каары басылгыс... Кудайдын Дини жана Анын мыйзамы адамзаттын жыргалчылыгын жана биримдигин бекемдөөгө, адамдардын арасында сүйүү жана достукту жайылтууга багытталган. Ал кастык менен ичи тардыктын булагына айланып кетпесин». — Бахаулла